«Калашников», граната, тапанша: Қаңтар оқиғасында ұрланған қару-жарақ тәркіленді

Ұлттық қауіпсіздік комитеті бір айдың ішінде ондаған түрлі қару мен 1500-ден астам оқ-дәрі тәркіледі, деп хабарлайды Azattyq Rýhy.

ҰҚК мәліметінше, 2025 жылдың басынан бастап Ұлттық қауіпсіздік комитеті полиция және прокуратура органдарымен бірлесіп қаруды іздестіру және заңсыз айналымнан алу бойынша бірқатар жедел-іздестіру іс-шараларын жүргізді.

«Нәтижесінде 8 «Калашников» автоматы, 25 тапанша, 23 мылтық, 17 граната, әртүрлі калибрдегі 1521 оқ-дәрі табылды және тәркіленді.

Көрсетілген қару-жарақтардың 4 бірлігі «қаңтар оқиғалары» кезінде ұрланғаны анықталды.

Осы фактілер бойынша тергеу-жедел іс-шаралары жүргізіліп жатыр», - делінген ҰҚК хабарламасында.