Арыстан торға абайсызда құлап кеткен ер азаматты талап өлтірді

Мысырдың Эль-Файюм қаласындағы хайуанаттар бағында арыстан 47 жастағы қызметкерді талап өлтірді, деп хабарлайды Azattyq Rýhy РИА Новости агенттігіне сілтеме жасап.

Youm7 газетінің мәліметінше, қызметкер абайсызда тор ішіне құлап кеткен. Жыртқыш оған шабуыл жасап, басынан ауыр жарақат салған. Ер адам сол жерде мерт болды.

Оқиға орнына жеткен тәртіп сақшылары арыстанды атып тастаған. Қайғылы оқиғадан кейін билік хайуанаттар бағын уақытша жабу туралы шешім қабылдады.

Басылымның жазуынша, марқұм 47 жаста, ол хайуанаттар бағында күзетші болып жұмыс істеген.