$ 505.15  550.31  5.89
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Екі облыста ауа райына байланысты жол қозғалысы шектелді

Жол 3 ақпанда ашылады деп жоспарланып отыр

Екі облыста ауа райына байланысты жол қозғалысы шектелді
Фотоколлаж: Azattyq Rýhy

Ауа райының нашарлауына байланысты Абай және Шығыс Қазақстан облыстарында республикалық маңызы бар «Алматы – Талдықорған – Өскемен – Шемонаиха – Ресей шекарасы» автожолының кейбір учаскелерінде барлық көлік түрі үшін қозғалыс шектелді. Бұл туралы «ҚазАвтоЖол» баспасөз қызметі мәлімдеді, деп хабарлайды Azattyq Rýhy. 

Қозғалыс шектелген учаскелер:

  • Абай облысы: Қалбатау ауылынан ШҚО шекарасына дейін (971-1013 км);
  • Шығыс Қазақстан облысы: Абай облысы шекарасынан Ұлан ауылына дейін (1013-1048 км).

Сонымен қатар сағат 16:00-ден бастап Абай облысында «Өскемен – Семей» автожолының Семей қаласынан ШҚО шекарасына дейінгі (103-198 км) бөлігінде көлік қозғалысына шектеу қойылды.

Шығыс Қазақстан облысында қосымша шектеу енгізілді:

  • «Өскемен – Семей» жолының Герасимовка ауылынан Абай облысының шекарасына дейін (10-103 км);
  • «Алматы – Талдықорған – Өскемен – Шемонаиха – Ресей» жолының Предгорное ауылынан Шемонаиха қаласына дейін (1125-1191 км);
  • «Алматы – Талдықорған – Өскемен – Шемонаиха – Ресей» жолының Шемонаиха қаласынан Ресей шекарасына дейін (1194-1212 км).

Жолдардың қайта ашылуы 3 ақпанда сағат 06:00-ге жоспарланған. Жүргізушілерге алыс жолға шықпауға және сақтық шараларын қатаң сақтауға кеңес беріледі.

Серіктес жаңалықтары