Қарағанды облысында мас жүргізуші-мигрант ұсталды
Оның миграциялық картасының мерзімі өтіп кеткені белгілі болды
Қарағанды облысында полиция қызметкерлері мас күйінде көлік басқарған шетел азаматын ұстады, деп хабарлайды Azattyq Rýhy Polisia.kz-ке сілтеме жасап.
«Қарағанды облыстық полиция департаментінің патрульдік полиция батальоны жол қауіпсіздігін қамтамасыз ету бойынша тұрақты рейдтер жүргізеді. Көлік жүргізушілеріне шаршаған жағдайда демалыс орындарында тоқтап, тынығу ұсынылады», — делінген хабарламада.
Кезекті тексеру барысында полиция қызметкерлері көліктен өткір алкоголь иісін байқаған. Медициналық тексеру нәтижесінде жүргізушінің орташа дәрежеде мас екені анықталды. Сонымен қатар құжаттарын тексеру кезінде оның шетел азаматы екені және миграциялық картасының мерзімі өтіп кеткені белгілі болды.
Материалдар сотқа жолданып, заңға сәйкес шешім қабылданады. Полиция көлік жүргізушілеріне жол қозғалысы ережелерін қатаң сақтауды және көлікті тек сау күйінде басқаруды ескертеді.
