«Азап болды»: Жұлдыз Әбдікәрімова жұрт білмейтін сырқаты жайлы айтты

Әнші Қайрат Нұртастың жары, танымал актриса Жұлдыз Әбдукәрімова басынан өткен қиындықтарымен бөлісті. Ол 2024 жылы жаз бойы ауруханада ем қабылдағанын және ауыр дерттің себебін табу қиынға соққанын айтты,деп хабарлайды Azattyq Rýhy.

«Басымның қысып ауыратыны сонша, тіпті тыныс алудың өзі азап болды. Дәрігерлер себебін анықтай алмай, менімен бірге әбден қиналды. Басымды сан мәрте тексерістен өткіздік. Тасқа да, тауға да соқтық деген осы шығар», – деп жазды Жұлдыз Әбдукәрімова.

Сонымен қатар, актриса 2022 жылы қоныстануы тиіс болған үйіне әлі қол жеткізе алмай жүргенін және осы мәселе бойынша сот процесі жалғасып жатқанын атап өтті.