Астанада мүгедек баланың құқығын бұзған әуе компаниясы жазаланды
Әуе компания тасымалдау ережелерін бұзған
Санкт-Петербург – Aстана рейсімен ұшып келген мүмкіндігі шектеулі кәмелетке толмаған жолаушыға әуе компаниясы тиісті қызмет көрсетпегені анықталды, деп хабарлайды Azattyq Rýhy.
Прокуратура мәліметінше, ұзақ күткен жолаушының әкесі баланы ұшақтан өзі шығаруға мәжбүр болды.
«Әуе компаниясы қызметкерлерімен мүгедек арбасының қажеттілігі туралы қате хабарламасы уақытылы қызмет көрсетпеудің себебі болды.
Астана авиациялық көлік прокуратурасы ерекше қажеттіліктері бар жолаушының құқықтарының бұзылуы бойынша ықпал етті.
Прокуратура актісі бойынша әуе компаниясы тасымалдау ережелерін бұзғаны үшін әкімшілік жауаптылыққа тартылды (Қазақстан Республикасының Әкімшілік құқық бұзушылықтар туралы кодексінің 571-бабының 1-бөлігі)», - делінген хабарламада.
