Мәйіт емес пе? СҚО-да қоқыста жатқан қара пакет жұрттың үрейін алды

СҚО-да қоқыста оралып жатқан қара пакет жұрттың үрейін алды, деп хабарлайды Azattyq Rýhy.

Белгілі болғандай, тұрғындардың бірі жаңажылдық шыршаны қара пакетке орап, қоқысқа тастаған екен. Сырттай қарағанда қылмыскерлердің мәйітті орап тастағанындай әсер қалдырады.

Ал желі қолданушылары фотоны көріп, үрейленіп қалғанын жасырған жоқ.

«Шыршаны дәл осылай орап тастамаңыздаршы», «Жұртты шошыттыңыздар ғой», «Бұл шыршаның мәйіті ғой», «Сыртынан тағы кілеммен орап қоймады ма екен», «Фотоны көріп, жүрегім ұшып кетті ғой», «Мынау шынымен шырша ма?», «Құдайым-ай, адамның мәйіті екен деп қалдым ғой», - деп жазды желі қолданушылары.