Қазақстан азаматы Мәскеуде ұялы телефон мұнараларын өртеп жібергені туралы ақпарат тарады

Мәскеу түбегінде бірнеше ұялы телефон мұнарасын өртеген Қазақстан азаматы ұсталды. Бұл туралы Azattyq Rýhy агенттігі MASH Telegram-арнасына сілтеме жасап хабарлайды.

Белгілі болғандай, 44 жастағы қазақстандық бұрын адам өлтіргені үшін сотты болған. Ресейге келген соң тіркелмеген, жұмыс таппаған. Қаңтарда белгісіз біреулер оған Telegram арқылы байланыс мұнараларын өртегені үшін – әрқайсысына 40 мың рубль төлеуге уәде еткен.

Ер адам Щелково мен Лосино-Петровскийдегі төрт мұнараны өртеп жіберді. Келтірілген шығын 4 миллион рубльге бағаланды.

Оның үстінен жалпы қауіпті тәсілмен мүлікті қасақана жою бабы бойынша іс қозғалды. Қазақстандық бес жылға дейін бас бостандығынан айырылуы мүмкін.