«Жарты сағат бойы тоңып тұрдым»: Павлодар тұрғындары жылы аялдамалардың жұмыс істемейтініне шағымданып жатыр

Павлодар тұрғындары қыстың алғашқы қақаған аяздарында жылы аялдамалардың жұмыс істемей тұрғанына наразылық білдіріп жатыр, деп хабарлайды Azattyq Rýhy irbistv.kz-ке сілтеме жасап.

Аязды күндері тұрғындар қоғамдық көлікті күтетін жылы орындардың жоқтығына шағымданып жатыр. Олар мәселені шешуді талап етіп отыр.

Жақында Малайсары батыр көшесінде жаңа жылы аялдама салынған еді. Қазіргі таңда оның есігі ашық болғанымен, тек желден қорғайды. Тұрғындардың айтуынша, мұндай аялдамалардың пайдасы аз.

«Бүгін 11-автобусты жарты сағат күттім. Жарты сағат бойы тоңып тұрдым. Енді тағы да күтуім керек», — дейді қала тұрғыны.

«Міне, жабық тұр, ал адамдар далада тоңып тұр. Бір ай болды, аялдама осылай жабық. Әсіресе, таңертең және кешке әйелім жұмысқа барарда және қайтарда үнемі жабық болады», – деп шағымданды «Шығыс» шағын ауданының тұрғыны.

Павлодардың барлық жылы аялдамалары жұмыс істемей тұрған жоқ. Дегенмен, тұрғындар жылытуы тиіс аялдамалардың жағдайын реттеуді талап етеді. Қақаған аяз кезінде аялдама павильондары – қоғамдық көлікті күтетіндердің суықтан қорғанатын жалғыз орны. Тұрғындар бұл мәселені қыс мезгілінде тез арада шешуді сұрайды.