Түркиядағы тау-шаңғы курортындағы өрт: қонақ үй иесі қамауға алынды
Өрттен 78 адам қаза тапқан еді
Түркияның Карталкая тау-шаңғы курортындағы Grand Kartal қонақ үйінде болған өрттен 78 адам қаза тапқан еді. Осы қайғылы оқиғаға байланысты қонақ үй иесі және басқа да күдіктілер қамауға алынды, деп хабарлайды Azattyq Rýhy «Известия» ақпарат агенттігіне сілтеме жасап.
«Оқиғаға қатысты қозғалған қылмыстық іс аясында 14 адам, соның ішінде қонақ үй иесі қамауға алынды. Тергеу жұмыстары жалғасып жатыр, кінәлілердің барлығы жауапқа тартылады деп күтіліп отыр», — деп жазылған хабарламада.
Түркия президенті Режеп Тайып Ердоған қайғылы жағдайға байланысты көңіл айтып, кінәлілердің жазасыз қалмайтынын мәлімдеген еді.
«Бұл трагедияға қатысты барлық қажетті және жан-жақты тергеу шаралары басталды. Барлық жауапты тұлға заң аясында қатаң жазаланады», – деді Ердоған.
