Маңғыстау облысы әкімінің чатында есірткі жарналаманған (ВИДЕО)

Жарнама бірнеше рет өшірілгенімен қайта-қайта шыға беруде

Фото: Видеодан скрин

Желі қолданушылары Маңғыстау облысы әкімінің чатында есірткі жарналаманғанына наразы, деп хабарлайды Azattyq Rýhy ақпарат агенттігі www.lada.kz сайтына сілтеме жасап.

Ақтау тұрғындары Маңғыстау облысы әкімінің Telegram-чатында бірнеше рет есірткінің жарнамасы шыққанын көрген. Тұрғындардың айтуынша, бұл чат өңір тұрғындарының мәселелерін шешу үшін ашылған, ал есірткі жарнамалауға жол берілмеуі керек еді.

«Бұл чатта облыс пен қаланың барлық басшылары отырады, соның ішінде полиция департаменті мен прокуратураның жетекшілері де бар. Соған қарамасан көпе-көрнеу есірткі жарнамаланады», – дейді наразы тұрғындар.