СҚО-да екі апта бұрын жоғалып кеткен ер адамның денесі кілемге оралған күйінде табылды

Петропавлда екі апта бұрын із-түзсіз жоғалып кеткен ер адамның мәйіті кілемге оралған күйінде табылды, деп хабарлайды Azattyq Rýhy.

CMN мәліметінше, 47 жастағы ер адам 6 қаңтардан бері із-түзсіз жоғалғандар тізімінде болған. Арада екі апта өткенде оның денесі Петропавлда табылды.

Жоғалған ер адам 19 қаңтарда жалдамалы үйдің ауласында өлі күйінде табылды. Арқасы мен мойнында пышақ жарақаттары бар мәйіт кілемге оралған.

Белгілі болғандай, ер адам 6 қаңтарда өлтірілген. Екі танысы жанжал кезінде бөтелкелесін пышақтап өлтірген. Қылмысты жасыру үшін олар мәйітті қарға көміп тастаған.

Полицейлер Петропавлдың 30 және 70 жастағы екі тұрғынын ұстады.

Күдіктілер уақытша ұстау изоляторына қамалды.