Біршама өңірде тұманға байланысты дауылды ескерту жарияланды

Қазақстанның көп бөлігі антициклон ықпалында қалып отыр. 13 қаңтарда ел аумағында негізінен жауын-шашынсыз ауа райы сақталады, алайда кей аймақтарда тұман мен желдің күшеюі күтіледі, деп хабарлайды Azattyq Rýhy «Қазгидрометке» сілтеме жасап.

Республика аумағында 13 қаңтарда тұман күтілетін аймақтар:

• Атырау облысы: оңтүстік, батыс, солтүстік және Атырау қаласы;
• Маңғыстау облысы: түнде және таңертең батыс пен солтүстігінде, Ақтау қаласында;
• Ақмола облысы: түнде және таңертең солтүстігі мен шығысында, Көкшетау қаласында;
• Қызылорда облысы: оңтүстігінде;
• Абай облысы: солтүстік пен оңтүстігінде және Семей қаласында;
• Шығыс Қазақстан облысы: батыс, солтүстік және оңтүстік аймақтары мен Өскемен қаласында;
• Батыс Қазақстан облысы: күндіз батысы мен солтүстігінде, түнде және таңертең батысы мен солтүстігінде және Орал қаласында;
• Түркістан облысы: оңтүстігі мен таулы аймақтарында;
• Солтүстік Қазақстан облысы: батысы, оңтүстігі және шығысында;
• Жетісу облысы: шығысы мен таулы аймақтарында;
• Қостанай облысы: батысы, солтүстігі және шығысында, Қостанай қаласында.

Желдің күшеюі

• Жамбыл облысы: солтүстік-шығысында және таулы аудандарында;
• Жетісу облысы: Алакөл көлдері аймағында;

Жел жылдамдығы 15-20 м/с-қа дейін күшеюі мүмкін.

Семей мен Өскемен қалаларында қолайсыз метеорологиялық жағдайларға байланысты екінші дәрежелі ескерту жарияланды.