Түркістан облысында қарауылдан ірі көлемде есірткі табылды (ВИДЕО)
Психотроптық таблеткалар саны – 2416
Түркістан облысында трамадол дәрісін тасымалдаған күдікті қолға түсті. Бұл туралы Azattyq Rýhy агенттігіі Polisia.kz-ке сілтеме жасап хабарлайды.
Ордабасы ауданында полиция қызметкерлері Арыс ауданы тұрғынының басқаруындағы Toyota Camry автокөлігін тоқтатты. Тінту кезінде автомобиль салонынан 120 трамадол таблеткасы бар 4 полиэтилен пакеті табылды.
Сонымен қатар, күдіктінің тұрғылықты жерінен психотроптық зат таблеткалары бар тағы 1 пакет табылды. Алынған препараттың жалпы саны – 2416.
Белгілі болғандай, Арыс ауданындағы медицина мекемелерінің бірінде қарауыл болып жұмыс істеп, дәрігер беретін рецепт бланкілерін пайдаланып, «Трамадолды» сатып алу үшін Шымкент қаласына барған.
Одан заттай дәлелдемелер тәркіленді. Қазіргі уақытта осы факт бойынша сотқа дейінгі тергеу жүргізілуде және барлық мән-жай анықталып жатыр.
