Ұлытау облысында далада қалып қойған көлік жүргізушілеріне көмек көрсетілді

Ұлытау облысында айдалада қалып қойған көлікке құтқарушылар көмек көрсетті. Бұл туралы ТЖМ баспасөз қызметі мәлімдеді, деп хабарлайды Azattyq Rýhy.

«Кеше күндіз үш адам Қаражал қаласынан Жаңаарқа ауылына қарай жолға шыққан. Алайда, жолда көлік жанармайы таусылып, далада тоқтап қалған. Жағдайдың қиындығына байланысты олар 112 нөміріне хабарласып, құтқарушылардан көмек сұраған», — деп жазылған хабарламада.

Құтқарушылар көліктің орналасқан жерін геодеректер арқылы анықтап, оқиға орнына шұғыл жетті. Олар көлікке жанармай құйып, жүргізушілер мен жолаушыларды Қаражал қаласына дейін алып барды.