Қазақстанда былтыр 100-ге жуық адам кісі өлтіру, тонау, бопсалау бойынша ұсталды

2024 жылы ҰҚК полиция органдарымен бірлесіп, аса қауіпті 19 ұйымдасқан қылмыстық топтың жолын кесті, деп хабарлайды Azattyq Rýhy.

Ауыр және аса ауыр қылмыстар жасағаны үшін ұйымдасқан қылмыстық топтың 72 жетекшісі мен белсенді қатысушысы қылмыстық жауапкершілікке тартылды.

«Жалпы 98 адам кісі өлтіру, тонау, бопсалау және басқа да ауыр қылмыстар жасады деген күдікпен ұсталып, оның ішінде шетелдік қылмыскерлердің жетекшілерінің көмекшілері де бар. Олардың 40-ы сотталып, қалғандарымен сотқа дейінгі тергеулер әлі жүргізілуде.

Ұйымдасқан қылмыспен күрес бойынша іс-шаралар жалғасуда», - делінген ҰҚК хабарламасында.