Қазақстанның бірқатар аймағында дауылды ескерту жарияланды

Синоптиктердің болжамынша, Қазақстанның бірқатар аймағында боран, тұман, жауын-шашын және көктайғақ болады, деп хабарлайды Azattyq Rýhy.

Астана мен Шығыс Қазақстан облысында көктайғақ, тұман, жел болуы мүмкін.

Жетісу облысында тұман түсіп, жел соғады.

Батыс Қазақстан, Ақтөбе, Атырау, Түркістан облыстарының кей жерлерінде тұман, көктайғақ күтіледі.

Солтүстік Қазақстан облысында, Абай, Қостанай облыстарында көктайғақ, тұман, жел күтіледі.

Жамбыл, Маңғыстау, Қарағанды, Алматы, Қызылорда, Ұлытау облыстарының кей жерлерінде тұман түседі.

Павлодар облысында аздаған жауын-шашын (жаңбыр, қар), көктайғақ, жел күтіледі.