Қырғызстан Ақтаудағы ұшақ апатында зардап шеккен үш азаматын еліне әкетті (ВИДЕО)

ТЖМ көрші елдің төтеншеліктеріне қажетті көмекті қамтамасыз ете отырып, көліктік сүйемелдеуді ұйымдастырды

Фото: Маңғыстау облыс әкімдігінің баспасөз қызметі

Ақтауда Қазақстан ТЖМ құтқарушыларының қолдауымен ұшақ апатында зардап шеккен Қырғызстанның үш азаматы әуежайға жеткізілді, деп хабарлайды Azattyq Rýhy ТЖМ баспасөз қызметіне сілтеме жасап.

ТЖМ көрші елдің төтеншеліктеріне қажетті көмекті қамтамасыз ете отырып, көлікті сүйемелдеп барған.

«Бұл жағдай - біздің елдеріміздің арасындағы тығыз ынтымақтастық пен достық қарым-қатынастың, сондай-ақ Қазақстанның әрқашан төтенше жағдайларда көмекке келуге дайындығының жарқын мысалы. Қазақстан ТЖМ адамдардың қауіпсіздігі мен амандығына бағытталған өзінің маңызды жұмысын жалғастыруда», - делінген хабарламада.