ШҚО-да полицейлер шыршаларды заңсыз кесу әрекеттерін әуеден бақылайды

Шығыс Қазақстан облысында Жаңа жыл қарсаңында шыршаларды заңсыз кесу мен сатуды бақылау күшейтілді. 20-31 желтоқсан аралығында өңірде «Шырша» республикалық жедел-профилактикалық іс-шарасы өтеді, деп хабарлайды Azattyq Rýhy Polisia.kz-ке сілтеме жасап.

«Заңсыз ағаш кесуге қарсы күресті күшейту мақсатында мобильді топтар құрылып, орман шаруашылығы инспекциясымен бірлесіп жұмыс жүргізіп жатыр. Сонымен қатар полицейлер өңір аумағында орман алқаптарының сақталуын тексеру үшін тікұшақпен әуеден бақылау жүргізіп жүр», — делінген хабарламада.

Іс-шара басталғалы бері 20-дан астам заң бұзушылық тіркелді. Құқық қорғау органдары табиғи ресурстарды сақтауға шақырып, заңды қатаң сақтауды ескертеді.

Шыршаларды заңсыз кесу келтірілген залал көлемі 50 айлық есептік көрсеткіштен аспаса, әкімшілік жазаға әкеледі. Ал зиянның бұл межеден асып кетуі қылмыстық жауапкершілікке тартылуға негіз болады.