Өскеменде көшеде ер адамның мәйіті табылды

Өскеменде орталық көшелердің бірінде ер адамның мәйіті табылды. Марқұмды Серікбаев көшесіндегі әкімшілік ғимараттардың бірінің жанынан өтіп бара жатқандар көрген. Бұл туралы Azattyq Rýhy агенттігі YK-news.kz сайтына сілтеме жасап хабарлайды.

«Ер адам шамамен 45 жаста, денесінде ешқандай жарақат жоқ. Оқиғаның мән-жайы анықталып, сараптама тағайындалып, сотқа дейінгі тергеу амалдары жүргізіліп жатыр», - деп хабарлады ШҚО ПД баспасөз қызметі.

Айта кетейік, жуырда әйел адамның мәйітін Екібастұз қаласының тұрғындары құдықтан тауып алған болатын.