Онлайн олимпиадаға 150 мыңнан астам оқушы қатысты

Бірінші Республикалық пәндік онлайн олимпиадаға 150 мыңнан астам оқушы қатысты, деп хабарлайды Білім және ғылым министрлігі.

«Онлайн олимпиада 9-11 сынып оқушылары арасында тегін өткізілді. Оларға математика, физика, химия биология, география, информатика, қазақ тілі, орыс тілі, ағылшын тілі, Қазақстан тарихы, дүниежүзі тарихы және Адам. Қоғам. Құқық пәндерін қамтитын көпдеңгейлі әр пән 50 сұрақтан тұратын тест тапсырмаларын орындау ұсынылды»,- делінген хабарламада.

Олимпиаданың ережесіне сәйкес қатысушылардың 25% І, ІІ, ІІІ дәрежелі дипломдармен марапатталатын болады. Жеңімпаздар мен жүлдегерлердің дипломдары электронды форматта daryn.kz сайтында 25 мамырға дейін жарияланады.