Қазақстанда тағы екі жол учаскесінде жол қозғалысы шектелді

Еліміздің екі өңіріндегі автожол учаскелерінде ауа райының қолайсыздығына байланысты жол қозғалысына шектеу қойылды, деп хабарлайды Azattyq Rýhy ҚазАвтоЖолға сілтеме жасап.

Түркістан облысы

15 желтоқсан күні сағат 14:00-де Алматы – Ташкент – Термез автожолының 620-663 шақырымында (Т.Рысқұлов ауылы – Қарабұлақ ауылы) жүк көліктерінің қозғалысына шектеу енгізілді.

Алматы облысы

15 желтоқсан күні сағат 17:00-де республикалық маңызы бар «Алма-Тау туристік базасына кірме жо»  автожолының 0-15 шақырымында (Түздыбастау ауылы – Бесқайнар ауылы) жүк және қоғамдық көліктер үшін қозғалыс уақытша тоқтатылды. Жол қозғалысын қайта ашу 17 желтоқсан күні сағат 07:00-ге жоспарланған.

Қосымша ақпарат алу үшін тәулік бойы жұмыс істейтін 1403 колл-орталығына хабарласуға болады.