Астанада байлар мен кедейлер арасындағы табыс алшақтығы күрт өсті

2024 жылдың III тоқсанының қорытындысы бойынша Астанадағы ең бай 10% үй шаруашылықтарының орташа айлық табысы ең кедей 10% үй шаруашылықтарының табысынан 7,4 есе көп болды: сәйкесінше 64,3 млрд теңге және 8,7 млрд теңге, деп хабарлайды Azattyq Rýhy DATA HUB-қа сілтеме жасап.

«Сарапшылардың айтуынша, Астанада табыс алшақтығы 2008 жылдан бері, яғни соңғы 15 жылдан бері ең жоғары деңгейге көтерілді. Алдыңғы тоқсанда бұл айырмашылық 5,7 есені құраса, қазір 7,4 есеге дейін артқан», — деп жазылған хабарламада.

Еліміздің басқа өңірлерімен салыстырғанда, Астанада байлар мен кедейлер арасындағы табыс алшақтығы ең үлкен. Алматыда бұл айырмашылық 6,5 есені құраса, Қазақстан бойынша орташа көрсеткіш 6,3 есеге тең. Ал Шымкентте (3,2 есе) және Маңғыстау облысында (2,5 есе) табыс теңсіздігі ең төмен.

«Астанадағы табыс теңсіздігін көрсететін Джини индексі де 2008 жылдан бері ең жоғары деңгейге жетіп, 0,334-ке тең болды. Сарапшылардың айтуынша, индекс мәні неғұрлым 1-ге жақын болса, табыс теңсіздігі соғұрлым жоғары болады», — деп жазылған хабарламада.

Бұл деректер Астанадағы әлеуметтік теңсіздіктің артуын көрсетіп, қоғамдағы табыс бөлінісіндегі теңсіздік мәселесін айқын көрсетеді.