Екібастұзда құбыр жарылып, 10 жасар бала күйіп қалды: полиция қылмыстық іс қозғады

Екібастұзда «Марунич» ЖК тиесілі жылу желісінде апат болып, ойнап жүрген 10 жасар бала күйіп қалған. Полиция жеке кәсіпкерлікке қатысты қылмыстық іс қозғады, деп хабарлайды Azattyq Rýhy.

Павлодар облыстық ПД оқиғаның мән-жайын анықтап жатыр.

«Абайсызда адам денсаулығына зиян келтіруге әкеп соққан, тұтынушылардың өмірі мен денсаулығы қауіпсіздігінің талаптарына сай келмейтін жұмыстарды орындау не қызметтер көрсету фактісі бойынша қылмыстық іс қозғалды. Оқиғаның мән-жайы мен себептері тергеу барысында анықталатын болады», – делінген ПД хабарламасында.

Айта кетейік, аталмыш оқиға туралы ақпарат әуелі әлеуметтік желіде жарияланды. Баланың жағдайы ауыр деп бағаланды.