Башар Асад ұшақ апатынан қаза тапқан болуы мүмкін — БАҚ

Сирия президенті Башар Асад ұшақ апатында қаза болуы мүмкін деген ақпарат пайда болды, деп хабарлайды Azattyq Rýhy РИА Новости-ге сілтеме жасап.

«Жергілікті БАҚ-тың мәліметінше, Асад отырған болуы мүмкін Ил-76 ұшағы радардан жоғалып кеткен. Кейбір деректер бойынша, ұшақтың транспондері өшірілген немесе атып түсірілген болуы мүмкін», — деп жазады басылым.

Ұшақ бастапқыда Ирак шекарасына қарай бет алған, кейін Сирияның Жерорта теңізі жағалауына қарай бұрылып, сол аймаққа бағытталған. Аталған аймақта алавиттер қауымы мен ресейлік әскери базалар орналасқан. Алайда, Хомс қаласы маңында, көтерілісшілер бақылайтын аумақта ұшақтың бағыты өзгеріп, радардан жоғалып кеткен.

«FlightRadar мәліметінше, ұшақ радардан жоғалар алдында 2,6 шақырымға дейін төмендеп, жылдамдығын 64 км/сағ-қа дейін азайтқан. Бұл деректер ұшақтың техникалық ақау немесе сыртқы әсерден зардап шеккенін көрсетуі мүмкін», — деп жазылған ақпаратта.

Қазіргі уақытта Башар Асадқа қатысты ресми ақпарат жоқ, оқиға бойынша тергеу жалғасып жатыр.