Шавкат Рахмоновтың UFC 310 турниріндегі жекпе-жегі үшін алатын сыйақысы белгілі болды

Sportal Mag порталы 8 желтоқсан күні АҚШ-тың Лас-Вегас қаласында өтетін UFC 310 турнирінің басты жекпе-жектеріне қатысушылардың гонорарын жариялады, деп хабарлайды Azattyq Rýhy Sports.kz сайтына сілтеме жасап.

Қазақстандық спортшы Шавкат Рахмонов ирландиялық Иэн Гэрримен жекпе-жегі үшін кепілді түрде 350 мың доллар табыс табады. Егер жеңіске жетсе, сыйақысы тағы 100 мың долларға өседі.

Ал қарсыласы Иэн Гэрри 150 мың доллар гонорар алады, жеңген жағдайда қосымша 100 мың доллар сыйақыға ие болады.

Турнирдегі ең жоғары гонорарлар кештің басты жекпе-жегінің қатысушыларына тиесілі. Бразилиялық Алешандре Пантожа 750 мың доллар, ал жапондық Кай Асакура 500 мың доллар табыс табады.