«Мен жұлдыз емеспін»: Айжан Аймағанова танымалдылықтың өміріне қалай әсер еткені туралы айтты

Экс министр Қуандық Бишімбаевтың ісі бойынша танымал болған прокурор Айжан Аймағанова Qazaqstan телеарнасындағы Әйел әлемі бағдарламасына сұхбат беріп, туған ауылын көрсетті, деп хабарлайды Azattyq Rýhy.

Бағдарлама барысында Аймағанова танымалдылықтың күнделікті өміріне қалай әсер етіп жатқанын айтты. Оның сөзінше, көпшілік оны көшеде әлі де танып, суретке түсуге өтініш білдіреді. 

«Қазір дүкенге азық-түлік алуға бармаймын. Өйткені таныған адамдар суретке түсуді сұрайды. Мен жұлдыз емеспін, қарапайым прокурормын. Мұндай жағдай мен үшін қолайсыз», – деді Айжан Аймағанова.