Жамбыл облысында аса ірі көлемде есірткі сатумен айналысқан екі топ ұсталды

Жамбыл облысында осы жылдың қазанында аса ірі көлемде есірткі тасымалдап, оны сатумен айналысқан екі топ ұсталды. Бұл туралы Azattyq Rýhy агенттігі ҰҚК-ның баспасөз қызметіне сілтеме жасап хабарлайды.

Сонымен, Т.Рысқұлов және Меркі аудандарында 14 кг-дан астам гашиш пен 42 кг марихуананы сатуға әрекеттенген екі Қазақстан азаматы ұсталып, сот санкциясымен қамауға алынды.

«Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізіліп жатыр.

Қылмыстық-процестік кодекстің 201-бабы 1-бөлігіне сәйкес өзге ақпарат жария етуге жатпайды», - делінген хабарламада.