«Итмұрын жинамақ болған»: ШҚО-да боранды күні таулы аймақта адасқан қарт адам құтқарылды

Шығыс Қазақстанда ТЖМ құтқарушылары қолайсыз ауа-райында адасқан қарт адамға көмек көрсетті, деп хабарлайды Azattyq Rýhy.

ТЖМ мәліметінше, 1954 жылы туған Өскемен қаласының тұрғыны өз көлігін тас жолдың жиегінде тастап, итмұрын жинау үшін таулы аймаққа кеткен. Бірнеше сағаттан кейін ол боранда бағыт таба алмайтынын түсініп, құтқарушыларды шақырды.

«Кинологиялық есебі бар ШҚО ТЖД іздестіру тобы тауда әлсіреген және тоңып қалған саяхатшыны тауып, оны медициналық көмек көрсету үшін жедел жәрдем көлігіне жеткізді. ТЖМ денсаулығыңыз бен өміріңізге қауіп төндірмеу үшін қолайсыз ауа-райын үйде өткізу дұрыс екенін еске салады!», - делінген ТЖМ хабарламасында.