10 облыстағы автожолдарда ауа райы нашарлайды: жүргізушілерге үндеу жасалды

«ҚазАвтоЖол» ұлттық компаниясы» АҚ баспасөз қызметінің мәліметінше, 7 қарашада еліміздің 10 облысында ауа райы нашарлайды, деп хабарлайды Azattyq Rýhy.

Аталмыш мекеме республикалық автожолдардағы ауа райы туралы мәлімет жариялады.

«2024 жылғы 7 қарашада Абай, Ақмола, Батыс Қазақстан, Жамбыл, Павлодар, Солтүстік Қазақстан, Түркістан, Қарағанды, Қостанай және Қызылорда облыстарының кей жерлерінде қар жауады.

Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз», - делінген хабарламада.