«Танымал блогердің көлігін сұрап алған»: Алматы облысында қауіпті трюк жасаған жігіт мерт болды

Аталған факті бойынша полиция қылмыстық іс қозғады

Фото: depositphotos.com

Алматы облысында блогердің көлігін алып, қауіпті трюк жасаған жас жігіт қайтыс болды, деп хабарлайды Azattyq Rýhy.

Алматы облыстық ПД мәліметінше, 29 қазан күні Ақсай ауылындағы «Сокол» автодромының аумағында бейнеролик үшін трюк орындау кезінде 22 жастағы жас жігіт 45 жастағы жүргізуші басқарған көліктің астына түскен.

«Нәтижесінде жәбірленуші аудандық ауруханаға жатқызылды, онда 30 қазан күні есін жимастан жан тапсырды. Осы факті бойынша полиция қылмыстық іс қозғады. Тергеу жүргізіліп жатыр», - делінген ПД хабарламасында.

Қайтыс болған жігіт трюк жасау үшін танымал блогер әрі кәсіпкер Бейбіт Әлібековтің Lamborghini көлігін сұрап алған.

@imediacomqaz Известный казахстанский блогер Бейбит Алибеков сообщил, что парень скончался от полученных травм во время трюков на автомобиле. По словам блогера, Батырхан Ержан сам попросил у него машину ради трюка. #imediacomkz #казахстан ♬ оригинальный звук - iMediacomQAZ