Түркістан облысының білім саласында 1,5 млрд теңге жымқырылған

Түркістан облысының білім саласынан жымқырылған 1,5 млрд теңге мемлекетке қайтарылды. Бұл туралы Azattyq Rýhy облыстық прокуратураның баспасөз қызметіне сілтеме жасап хабарлайды.

Облыста білім саласының 123 қызметкеріне қатысты 7 қылмыстық іс бойынша сотқа дейінгі тергеп-тексеру аяқталды.

«Оның ішінде 5 іспен процеске қатысушы тұлғалар танысуда, ал Сауран және Созақ ауданы білім бөлімдерінің қызметкерлеріне қатысты 2 іс облыс прокуратурасымен сотқа жіберілді.

Тергеп-тексеру барысында күдікті тұлғалардан мемлекетке 1,5 млрд теңге залал өндірілді және олардың қылмыстық жолмен табылған 2,9 млрд теңге мүліктеріне тыйым салынды», - делінген хабарламада.