Таразда 20 адам көшеде кетіп бара жатқан 3 адамды соққыға жығып кетті

Таразда адам шошырлық оқиға болды. 20 адамнан тұратын бір топ жігіт қалада өтіп бара жатқан үш адамды ұрып тастады, деп хабарлайды Azattyq Rýhy.

Бұл туралы ақпарат әлеуметтік желіде жарияланды. Жанжал 5 қазан күні кешке Арай массивіндегі ойын алаңында болды. 

Бұзақылар 16 мен 18 жас аралығында болған және олар спортшылар екені белгілі болды. Ал зардап шекеннің екеуі 13 және 16 жаста. 

«Арай, 1 үйінің артында балалар алаңында 20 жігіт үш кездейсоқ адамға шабуыл жасады. Егер мүмкін болса, видео немесе куәгерлердің пікірін күтеміз. Сіздің әрбір пікіріңіз біз үшін маңызды», — деп жазды әйел адам жергілікті пабликке.

Жамбыл облысының полициясы топтық ұрып-соғу фактісін растады. Оқиғаның егжей-тегжейлері тергеу құпиясына сілтеме жасай отырып, жарияланған жоқ. Тек осы факт бойынша тергеу жүргізіліп жатқаны белгілі.

«Топпен жасалған бұзақылық фактісі бойынша алдын ала тергеу басталды. Оған қатысушылар анықталды. Қажетті тергеу-оперативтік шаралар жүргізілуде», — деп хабарлады ведомство.