Елорда маңына қатынайтын бірқатар автобустың қозғалысы уақытша тоқтатылды

Бұған ауа райының нашарлауы себеп болған

Фото: cts.gov.kz

Астанада ауа-райының нашарлауына байланысты қала маңына қатынайтын бірқатар автобустардың қозғалысы уақытша тоқтатылды. Бұл туралы «City Transportation Systems» ЖШС баспасөз қызметі мәлім етті, деп хабарлайды Azattyq Rýhy.

«№ 59, 315, 316, 317, 327, 329 қала маңына қатынайтын бағдарлардың қозғалысы ауа-райының нашарлауына байланысты уақытша тоқтатылды. Аталған нөмірлі автобус бағдарларынан басқа қала маңына қатынайтын бағдарлар линияда», - делінген хабарламада.

Еске сала кетейік, «Қазгидромет» РМК ауа райының бұзылуына байланысты Қазақстанның 14 облысында ескерту жариялады.

Мақалада

#ауа райы #Астана #қоғамдық көлік

Алдыңғы жаңалық

Қар, көктайғақ, үсік: елдің 14 облысында ескерту жарияланды