«Қоларбамен серуендеп жүрген кейіп танытқан»: Астанада есірткі жарнамасымен айналысқан әйел ұсталды

Астанада полицейлер қоларбамен қала аралап, есірткі курьерлері мен дропперлер үшін заңсыз жұмысты жарнамалайтын QR-кодтары бар стикерлер жапсырып жүрген 27 жастағы жергілікті тұрғынды ұстады, деп хабарлайды Azattyq Rýhy елордалық ПД баспасөз қызметіне сілтеме жасай отырып.

Жедел қызметкерлер қауіпсіздік камераларының жазбаларында күдікті әрекеттерді байқаған: қоларба сүйреткен әйел ғимараттарға, кіреберістерге, шлагбаумдарға және тіпті кондиционерлерге стикерлер жабыстырып жүрді . Жедел-іздестіру шараларынан кейін қаскүнем ұсталды.

Анықталғандай, ол телеграм-арналардың біріне тіркеліп, куратордан қала бойынша 500-ге жуық жапсырманы желімдеу жөнінде тапсырма алған.

Бұл үшін оған ақы төлеуге уәде берілді, бірақ әйел бұл істің артында қылмыстық әрекеттер жатқанын білді.

Қазір күдіктіге қатысты есірткіні насихаттау және заңсыз жарнамалау фактісі бойынша қылмыстық іс қозғалды. Жедел тергеу шаралары жалғасуда. Полиция бейкүнә көрінетін стикерлер елеулі қауіпті жасыруы мүмкін екенін ескертеді.