«Пранк деп осыны айт»: тегін жұмыс істеуге келіскен ер адамдардың әрекеті жұртты сүйсінтті

Әлеуметтік желіде мешіт жұмысына тегін көмектескісі келген ер адамдардың әрекеті жұртты сүйсінтті, деп хабарлайды Azattyq Rýhy.

Видео ер адам мешітке септик жасау үшін арзан бағада немесе тегін түрде жер қазып беретін жұмысшы іздейді. Алайда, бұл ұсынысқа көбісі келіспейді, тек арасынан тек үш адам ғана ниет білдіреді. Видеода олардың үшеуі де Қарақалпақстаннан келгені айтылады.

«Егерде сендер Алла разылығы үшін садақа жасасаңдар, Алла Тағала 10-нан 700 есеге дейін арттырып береді дейді. Бүгін жұма күні сіздер Алланың ұлықтылығына куә болып отырсыздар. Ешқандай да жұмыс жоқ. Бүгін жұма күні. Кім Алла разылығы үшін шын жүректен көмектеседі деп тексергіміз келген. Әрқайсыңызға 10 мың теңгеден беремін», - дейді видео түсірген ер адам.

Оның бұл әрекетіне желі қолданушылары оң пікір білдірді.

«Көзге жас келді ғой», «Аллах сансыз сауаптан жазсын», «Пранк деп осыны айт», - деп желі қолданушылары пікір білдірді.