Тағы да суицид: Алматыда ҰҚК Шекара академиясының курсанты көз жұмды

Алматыда ҰҚК Шекара академиясының курсанты көз жұмды, деп хабарлайды Azattyq Rýhy.

19 жастағы курсант 12-қабатты үйдің жоғарғы қабатынан секіріп кеткен.

Оқиғаға қатысты Алматы полиция департаменті түсініктеме берілді.

«Осы факті бойынша Медеу аудандық полиция басқармасы қылмыстық іс қозғады. 

Себеп пен мән-жайлар белгіленеді», - делінген хабарламада.

Айта кетейік, осыған дейін Петропавлда үйлердің бірінің жертөлесінде қорғаныс істері департаментінің келісімшарт бойынша жұмыс істейтін әскери қызметшісінің денесі табылған.