Жаңа 14 дерек: Қазақстанда коронавирус жұқтырғандар саны 5090 адамға жетті

11 мамырға дейінгі жағдай бойынша Қазақстанда COVID-19 вирусын жұқтырғандар саны 5090 адамға жетті, деп хабарлайды Мемлекеттік комиссияның шұғыл штабы.

Соңғы мәлімет бойынша елімізде инфекция жұқтырғандар қатарына тағы 14 адам қосылған. Олардың екеуі – Алматы, 5 – БҚО, 5 – Түркістан облысы, 1 – Атырау және тағы біреуі Жамбыл облысынан анықталды.

Жалпы ауырғандардың өңірлер бойынша статистикасы мынадай:

• Алматы – 1580
• Нұр-Сұлтан – 1066
• Атырау облысы – 299
• БҚО – 249
• Қызылорда облысы – 229
• Қарағанды облысы – 191
• Алматы облысы – 183
• Түркістан облысы – 180
• Жамбыл облысы – 179
• Ақтөбе облысы – 172
• Павлодар облысы – 154
• Маңғыстау облысы – 120
• Ақмол облысы – 109
• Қостанай облысы – 61
• ШҚО – 51
• СҚО – 34.

Қазақстанда коронавирус жұқтырған 5090 адамның 1941-і жазылып шығып, 31-і қайтыс болды.