Маңғыстау облысында мектеп оқушылары жаппай уланып қалды

Маңғыстау облысындағы мектептердің бірінде балалар жаппай уланып қалды. Бұл туралы Azattyq Rýhy агенттігі Lada.kz-ке сілтеме жасап хабарлайды.

Оқушылардың ата-аналары балаларының улануына шағымданып, Маңғыстау облысының Денсаулық сақтау басқармасына жүгінді. Бесшоқы ауылындағы (бұрынғы Маңғыстау-5) №8 мектептің бірінші сынып оқушыларының бірінің туысының өтінішіне сәйкес, бірінші ауысымның 1-4 сынып оқушылары мектеп асханасында жаппай уланған.

«Қарындасым мектептен шаршаңқы күйде келіп, ұйықтағысы келетінін айтты. Кешке оянғанында жүрегі айнып, температурасы 39,2°C дейін көтерілді. Біз оны Маңғыстау ауылының ауруханасына өзіміз апардық», - деді оқушының ағасы.

Зардап шеккен оқушының туыстары Бесшоқы ауылының ауруханасында адам көп екенін атап өтті – кезекте 50-ден астам бала тұр. Маңғыстау ауылының медициналық мекемесінде олар өздері сияқты уланып қалған 35-40 оқушыны байқаған. Кейбір ата-аналар балаларын Ақтаудағы облыстық балалар ауруханасына апарды.

Зардап шеккендер келіп жатыр. Өңірлік денсаулық сақтау басқармасының мәліметінше, 6 қыркүйек күні кешке №8 мектептің 21 оқушысының ата-аналары ішт ауруы мен дене қызуының көтерілуіне шағымданып, жедел жәрдемге жүгінген.

58 балаға медициналық көмек көрсетілді. Ауруханада 26 бала емделіп жатыр, 27-сі үйіне жіберілді. Тағы бес оқушы ауруханада емделеді.