Хорватияда ірі орман өрті бақылауға алынды

Хорватияның Сплит қаласы маңында өртпен күреске кем дегенде 250 өрт сөндіруші қатысты. Дүйсенбі күні басталған жалын қазіргі уақытта тұрақталды, деп хабарлайды Azattyq Rýhy Euronews-ке сілтеме жасап.

Хорватияда ел астанасы Загребтен кейінгі екінші ірі қала Сплит маңында жанып жатқан орман өртінің таралу қаупі жойылды. Төтенше жағдайлар қызметі өкілдерінің айтуынша, сәрсенбі кешке қарай жағдай тұрақталды.

Өртпен күрескен 250 өрт сөндірушінің ешқайсысы зардап шеккен жоқ. Қауіп төнген бірнеше үйдің тұрғындарын эвакуациялауға тура келді. Жергілікті жолдар жабылды. Азаматтарды өрт ошағына жақын жерлерге қажетсіз бармауға шақырды.

Отты сөндіруде Canadair ұшақтары қолданылды, олар өрт ошақтарына су төкті.

Өрт 26 тамыз, дүйсенбі күні найзағайдан кейін басталып, келесі күні күшті желдің әсерінен өрши түсті.