Алматының таулы аймақтарында сел жүру қаупі бар

Алматының таулы аймақтарында сел жүру қаупі жарияланды, деп хабарлайды Azattyq Rýhy қалалық Төтенше жағдайлар департаментіне сілтеме жасап.

«Қазгидромет» РМК-ның дауылды ескертуіне сәйкес жауын-шашынға байланысты Алматы қаласының Кіші және Үлкен өзендерінің бассейнінде сел жүру қаупі бар.

«Қазсел» қорғаныс бөлімшелері сел қаупі бар аймақтарда бақылаудың күшейтілген жиілігіне көшірілді, әуеден және жерден түсіру жұмыстары жүргізілуде, инженерлік-техникалық қызметкерлердің тәулік бойы кезекшілігі ұйымдастырылды.

«Құрметті туристер, Алматы қаласының тұрғындары және қонақтары, естеріңізге саламыз! Сел қаупіне байланысты Іле Алатауы тауларына бармауларыңызды сұраймыз», - делінген ресми хабарламада.