Астанада 7-10 тамыз аралығында шектеулер енгізіледі

Астанада автомобильдер мен жаяу жүргіншілер үшін көлік қозғалысы шектеледі, деп хабарлайды Azattyq Rýhy Мемлекеттік күзет қызметіне сілтеме жасап.

Қоғамдық-саяси іс-шараларды өткізуге байланысты 7-10 тамыз аралығында елорданың жекелеген көшелерінде:

• Есіл ауданында, Оңтүстік айналма жол, Қабанбай батыр даңғылы, Мәңгілік Ел, Ұлы Дала, Достық, Керей, Жәнібек хандар көшелері
• Нұра ауданында, Тұран, Ұлы Дала даңғылы
• Алматы ауданында, Тәуелсіздік даңғылы, Нәжімеденов, Аманжолов көшесінде көлік құралдары мен жаяу жүргіншілердің қозғалысына уақытша шектеулер енгізіледі. 

«Осы жылдың 3 тамызында дайындық аясында бірлескен жоспарлы оқу-жаттығулар өткізіледі. Іс-шаралар арнаулы мемлекеттік және құқық қорғау органдарының, сондай-ақ Қарулы Күштердің, оның ішінде әскери авиацияның ресурстарын пайдалануды көздейді. Осыған байланысты елорда тұрғындары мен қонақтарынан қауіпсіздікті қамтамасыз ету бойынша жүргізіліп жатқан іс - шараларға түсіністікпен қарауды сұраймыз», - делінген Мемлекеттік күзет қызметінің хабарламасында.