Қосшыда кәсіпқой бокстан турнир өтеді

Қосшы қаласында «WBC Аmateur ТҮРКСОЙ» халықаралық турнирі аясында кәсіпқой бокстан іріктеу турнирі өтеді, деп хабарлайды  Azattyq Rýhy.

Қалада жуырда ашылған «ALAN» дене шынықтыру-сауықтыру кешенінде 19-21 шілдесі аралығында Қазақстанның барлық өңірлерінен ең мықты боксшыларының «WBC Аmateur ТҮРКСОЙ» халықаралық турнирі аясында кәсіпқой бокстан «СОЛТҮСТІК» дивизионының іріктеу турнирі өтеді.

Онда Қазақстанның барлық облыстарынан 2008-2009 жылы туған жасөспірім ұлдар «WBC Amateur TURKSOY» белбеуі үшін шаршы алаңда жұдырық түйістіріп, жекпе-жек өткізеді. 

Турнир Қосшы қаласы,  Лесная поляна шағын ауданы,  34/2; «ALAN» дене  шынықтыру-сауықтыру кешені ғимаратында өтеді.

Айта кетейік, «ALAN» орталығы жуырда ашылған Қосшы қаласындағы тұңғыш мемлекеттік спорт нысаны. Кешен заманауи спорттық жабдықтармен және барлық қажетті материалдық-техникалық құралдармен жабдықталған. Мұндаересектер мен балаларға арналғанбассейндер, спорт залы, күрес және ойынзалы бар.