Астананың оң жағалауында маңызды көше қиылысы толығымен жабылады
Қаладағы автожолдарда жөндеу жұмыстары жүріп жатыр
Астанада автожолдарды ауқымды жөндеу жұмыстары жалғасуда. Осыған байланысты елордада жолдар жабылады. Бұл жолы Сарыарқа/А. Жангелдин қиылысы толығымен жабылады, деп хабарлайды Azattyq Rýhy.
23 маусымда қаланың көлік және жол-көлік инфрақұрылымын дамыту басқармасынан хабарлағандай, жолшылар Сарыарқа/А. Жангелдин көшелерінің қиылысында төсемнің жоғарғы қабатын төсеу жұмыстарын жүргізетін болады.
«Осыған байланысты 2024 жылдың 24 маусымы сағат 07:00-ден 25 маусымы сағат 07:00-ге дейін жоғарыда аталған қиылыс толығымен жабылатын болады. Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз», - делінген хабарламада.
