Жыл басынан бері елімізде 7,5 мыңнан астам адамды кене шаққан

Елімізде жыл басынан бері 7547 адам кене шағып алғаннан кейін медициналық көмекке жүгінді. Бұл туралы Денсаулық сақтау министрлігінің баспасөз қызметінен мәлім етті, деп хабарлайды Azattyq Rýhy.

Министрліктің мәліметінше, 2024 жылы 25 598 адам немесе нысаналы топтың 100%-ы кене энцефалитіне қарсы вакцинациялаудан өтті.

Жоспарлы вакцинациялауға жұмыстары аурудың табиғи ошақтарында болумен байланысты және аурудың алдын алудың ең тиімді шараларының бірі болып табылатын орманшылар, егерлер, геологтар және аңшылар сияқты адамдар жатады.

«Кене энцефалитінің профилактикасы мақсатында жәндіктер шағып алған жағдайда кене иммуноглобині қолданылады. Препаратты дәрігер медициналық ұйымға жүгінген кезде тексеруден кейін ғана тағайындайды. Жыл басынан бері 7547 адам кене шағып алғаннан кейін медициналық көмекке жүгінді. Профилактика мақсатында кене шаққан адамдардың 92%-ы кене иммуноглобулинін алды. Бүгінгі таңда вакцинациялауды жалғастыру және халықты қорғауды қамтамасыз ету үшін вакцинаның 29 мыңға жуық дозасы және шамамен 44 литр иммуноглобулин бар», - делінген хабарламада.

Кене энцефалитін жұқтыру негізінен эндемиялық аумақтарда табиғи жағдайда орын алады.

Денсаулық сақтау министрлігі өзіңізді және жақындарыңызды кенеден қорғау үшін мына шараларды қабылдауға кеңес береді:

• Репелленттерді қолданыңыз. Кенеге қарсы құралдар шағу қаупін азайтуға көмектеседі.
• ⁠Қорғаныс киімін киіңіз. Орманда және табиғатта жабық киім мен аяқ киімді таңдаңыз.
• ⁠Өзіңізді және жақындарыңызды үнемі қарап-тексеріп отырыңыз. Табиғатта серуендегеннен кейін денені кенелердің бар-жоғына мұқият тексеріңіз.
• ⁠Уақтылы медициналық көмекке жүгініңіз. Кене шағып алған кезде дереу медициналық ұйымға хабарласыңыз.
• Иммуноглобулиннің тиімділігін қамтамасыз ету үшін кене шаққаннан кейінгі алғашқы төрт күнде медициналық ұйымға хабарласу қажет.