Қазақстандық турист Помпейде тарихи ескерткішке өз атын жазғаны үшін ұсталды
Ол сәулет ескерткішіне ALI деп жазған
Қазақстаннан барған турист Помпей археологиялық саябағындағы Цей үйінің қабырғасына ALI деп жазғаны үшін ұсталды. Ер адам шығынды қалпына келтіру үшін төлеуге мәжбүр болады. Бұл туралы Azattyq Rýhy агенттігі Euronews-ке сілтеме жасап хабарлайды.
Оқиға туралы саябаққа жақын орналасқан карабинерлер стационарлық бекетіне хабарланды, содан кейін құқық бұзушы ұсталды. Ол сәулет ескерткішіне келтірілген шығынды өтеуі тиіс екені хабарланды. Нақты шығын көлемі техникалық сараптамадан кейін белгілі болады.
Археологиялық саябақтың сайтында 1913-1914 жылдары қазылған Цеев үйі соңғы самнит дәуіріндегі (б.з.б. 2 ғасыр) ежелгі тұрғын үйлердің сирек үлгілерінің бірі болып саналады. Бұл үй судья Люций Кай Секундтың меншігінде болған деп есептеледі, бұл үйдің сыртқы қасбетіне жазылған жазудан көрінеді.
