Алматы мен Астанадан Алакөлге әуе рейстері іске қосылды

QAZAQ AIR әуе компаниясы 20 маусымнан бастап мына туристік бағыттар бойынша маусымдық рейстерді орындай бастады: Астана – Үшарал – Астана және Алматы – Үшарал – Алматы, деп хабарлайды Azattyq Rýhy.

Ол үшін жаңа генерацияланған de-Havilland Dash 8-Q400 канадалық әуе кемесі пайдаланылады.

Рейстер аптасына төрт рет (сейсенбі, бейсенбі, жұма, жексенбі) кесте бойынша орындалады:

• IQ 391 Астана (12:55) – Үшарал (14:40)
• IQ 392 Үшарал (10:20) – Астана (12: 00)
• IQ 403 Алматы (08:35) – Үшарал (09:50)
• IQ 404 Үшарал (15:10) – Алматы (16:30)

«Алакөл көлі – жазғы маусымда қазақстандық туристердің ең танымал бағыттының бірі. Біздің әуе компанияның ұшу бағдарламасы ішкі рейстерді дамытуға бағытталған және Қазақстан облыстарының әлеуметтік-экономикалық әлеуетін ашуға, сондай-ақ туризмді дамытуға ықпал етеді», - делінген хабарламада.