Қазақстанның жеті өңірінде құрғақшылық болады – Қазгидромет

Қазақстанның жеті өңірінде құрғақшылық болады. «Қазгидромет» РМК синоптиктері бүгін осындай болжам жариялады, деп хабарлайды Azattyq Rýhy.

Құрғақшылық алдағы он күнде орын алады деп болжанады.

«Атырау облысының аумағы бойынша, Жамбыл облысының Шу ауданында, Батыс Қазақстан облысының Бөкей ордасы ауданында, Қызылорда облысының Жалағаш ауданында, Маңғыстау облысының Бейнеу ауданында, Ақтөбе облысының Шалқар және Байғанин аудандарында, Түркістан облысының Арыс, Кентау, Отырар және Созақ аудандарында алдағы 10 күнде атмосфералық құрғақшылық болады деп күтіледі», - делінген «Қазгидромет» РМК хабарламасында.