Малави вице-президенті мінген ұшақ радардан жоғалып кетті
Әуе кемесінің орналасқан жерін анықтау жұмыстары жүріп жатыр
Малави вице-президенті Саулос Чилима және тағы тоғыз адам бортында тұрған ұшақ радар экрандарынан жоғалып кетті, деп хабарлайды Azattyq Rýhy.
Жергілікті malawi24 порталы әуе кемесі апатқа ұшыраған болуы мүмкін деп жазады. Басылымның жазуынша, ұшақ Мзузу әуежайына қона алмаған, кейін тіпті радардан жоғалып кеткен.
Сонымен қатар, Малави Президенті Лазарус Чаквера Чилимамен әуе кемесінің апатқа ұшырауы мүмкін екендігі туралы хабарларға байланысты Багам аралдарына жоспарланған сапарынан бас тартты. Африка мемлекетінің басшысы іздеу-құтқару операциясын ұйымдастыруды тапсырды.
«Әуе билігінің радардан жоғалып кеткеннен кейін әуе кемесімен байланыс орнатуға бағытталған барлық әрекеттері сәтсіз аяқталды. Президент Багам аралдарына жоспарланған сапарын тоқтатты және барлық аймақтық және ұлттық органдарға әуе кемесінің орналасқан жерін анықтау үшін жедел іздеу-құтқару жұмыстарын жүргізуді тапсырды», — делінген Малави Үкіметінің хабарламасында.
