Йемендегі хуситтер тобы БҰҰ-ның 9 қызметкерін тұтқынға алды
Хуситтер қазір Йеменнің басым бөлігін бақылауда ұстайды
Йемендегі хусит көтерілісшілері БҰҰ-ның кем дегенде 9 қызметкерін тұтқынға алды. Бұл туралы Azattyq Rýhy агенттігі Euronews-ке сілтеме жасап хабарлайды.
Ұсталғандар арасында БҰҰ адам құқықтары жөніндегі кеңсесінің, Дүниежүзілік азық-түлік бағдарламасының қызметкерлері және БҰҰ арнайы өкілі кеңсесінің бір қызметкері бар екені хабарланды.
Қарулы топ мүшелері болып саналатын хуситтер қазір Йеменнің басым бөлігін, оның ішінде ел астанасы Сана қаласын, сондай-ақ елдің солтүстік және батыс бөліктерін бақылауда ұстайды.
Айта кетейік, хуситтердің белсенді әрекеттері Израиль мен ХАМАС арасындағы қақтығыстан кейін жиілей бастады. Олар Қызыл теңіз арқылы Израильмен байланысы бар кемелерге шабуыл жасайды.
